Lyser ut autorisasjon for eit nytt besøkssenter på vestsida av Jotunheimen nasjonalpark

Senteret skal kunne ta i mot besøkande i dette området, og formidle informasjon om bl.a. nasjonalparken og Utladalen landskapsvernområde.

Miljødirektoratet lyser samtidig ut autorisasjon for eit senter på vestsida av Reinheimen nasjonalpark. Utlysinga er i tråd med budsjettproposisjonen til Klima- og miljødepartementet for 2023 og vedteke budsjett 2023, der det er sett av
1 500 000 kr. til kvart senter for autorisasjon i 2023.

Nasjonalparksentra skal formidle kunnskap om eit tema eller eit område. Dei skal bl.a. auke kunnskapen for forståing av vern, og inspirere til å vere ute i naturen og å sjå på kulturminne.

Frå før er Norsk Fjellsenter i Lom autorisert besøkssenter for nasjonalparkane Jotunheimen, Reinheimen og Breheimen.

For meir informasjon om utlysinga, sjå Miljødirektoratet sine heimesider.