Inspirert av det ville landskapet og norrøn mytologi gav Aasmund Olavsson Vinje dette fjellområdet namnet «Jøtunheimen» i 1862. Namnet spelar på at jotnane – eller trolla – har heimen sin her. Jøtunheimen vart seinare til Jotunheimen, som er namnet på dette mektige området med dei høgaste fjella i Nord-Europa.
Her finn du informasjon om forvaltninga av Jotunheimen nasjonalpark og Utladalen landskapsvernområde.
Fortun Bygdalag er nytt autorisert besøkssenter for Jotunheimen nasjonalpark saman med Breheimen!
25.05.2023
Det nye senteret skal ta i mot besøkande frå vestsida av Jotunheimen nasjonalpark.Fortun Bygdalag vil informere og spreie kunnskap om tre naturgjevne tema: villrein og fangstkultur, historiske handels- og pilgrimsvegar og tindesporten i Hurrungane gjennom 150 år.
Spørsmål om pristilbod - Utbetring av sti i Utladalen
21.03.2023
Nasjonalparkstyret for Jotunheimen og Utladalen ber om pristilbod på oppdrag om utbetring av stien frå Vetti til brua over Morkaelvi i Utladalen landskapsvernområde.
Lyser ut autorisasjon for eit nytt besøkssenter på vestsida av Jotunheimen nasjonalpark
27.01.2023
Miljødirektoratet lyser ut autorisasjon for eit nytt besøkssenter som skal vere lokalisert på vestsida av Jotunheimen nasjonalpark. Søknadsfristen er 12. april 2023.