Føremålet med forskrifta er å ta vare på eit variert skogsområde med sitt biologiske mangfald i form av naturtypar, økosystem, artar og naturlege økologiske prosessar. Området inneheld ein variert lauvskog med element av trua og sjeldan natur. Her er ein velutviklet edellauvskog med styva almar og hasselskog. I andre delar av området er naturverdien knytta til gråor-heggeskogen. Artsmangfaldet er usedvanleg rikt, både av lav og sopp. Ein spesiell kvalitet er haustingsskogen med styva almar som både har ein særskilt naturvitskapleg og kulturhistorisk verdi. De fleste sjeldne sopp- og lavartane er registrert i haustingsskogen. Eit mindre område opp mot Mardalsfossen er påvirket av fossesprøyt. Her er både mosematter, men også gras og karplantar som er avhengige av rikeleg med vatn og som representerer naturtypen fossesprøytsone. Det er ei målsetting å behalde verneverdiane i mest mogeleg urørt tilstand, og eventuelt videreutvikle dei.