
Velkomen til nasjonalparkstyret for Reinheimen si nettside. På denne sida finn du informasjon om nasjonalparken og tilhøyrande landskapsvernområde og naturreservat.
Under dei ulike menyane er det lagt ut informasjon om vernereglane for områda, og nasjonalparkstyret og nasjonalparkforvaltarane sitt ansvar og forvaltningsoppgåver.

Turistane strøymer til innfallsportane i Reinheimen
13.07.2023
Brukarundersøkinga i Reinheimen frå sommaren 2022 viser at utanlandske turistar strøymer til innfallsportane til nasjonalparken, og mange besøkjer området for fyrste gong. At det er fleire av dei besøkande som var i området for fyrste gong, er den største endringa i Reinheimen sidan 2011.
Ei anna endring etter drøye 10 år er at besøkjande frå andre land har auka, men her er det store forskjellar mellom dei ulike innfallsportane til nasjonalparken.
Sjølv om undersøkinga i 2022 dokumenterar at det er store endringar i besøkstal og type besøkjande, viser undersøkinga at det er utanfor eller i randsona til nasjonalparken at besøkjet aukar. Kjerneområda lenger inn i Reinheimen nasjonalpark har framleis eit urørt preg med liten grad av tilrettelegging, og få besøkande.
Les meir om undersøkinga i rapporten under, eller på NINA sine nettsider: Ferske turister inntar Reinheimen nasjonalpark (nina.no)

God deltaking på seminar om Reinheimen og villrein, på Norsk fjellsenter 5. juni 2023
25.05.2023
Seminaret med fokus på villrein og dei ferske resultata av brukerundersøkinga i Reinheimen i 2022, hadde god deltaking. Etter faginnlegg var det gruppearbeid og dialog med høve til å diskutere relevante problemstillinger i Reinheimen området. Gode innlegg frå Norsk villreinsenter, NINA, Billingen Seterpensjonat, forvaltninga i Reinheimen og engasjementet frå deltakarane, gjorde seminaret til ein god start for arbeidet med revisjon av forvaltningsplan for Reinheimen.
Program og presentasjonane frå seminaret ligg under som PDF.

Årsrapport 2022
24.02.2023
Nasjonalparkstyret for Reinheimen sin årsrapport for 2022 er nå lagt ut under Publikasjoner: Årsrapport 2022
Årsrapporten er ei framstilling av nasjonalparkstyret for Reinheimen sitt arbeid i 2022.